Gugma sa mga tigulang

Fernando - Saudi Arabia

Kumusta Bai Rolly ug mga bisdak gikan namo diri sa Saudi Arabia.

Hapit na gayud ang pasko ug pagkasakit sa dughan namo diri kay halayo sa atong yutang natawhan.

Tagao lang ko sa ngalan nga Fernando, ulitawong guwang ug lumad nga taga Bohol.

Naulitawong guwang ko bai Rolly tungod kay nabiktima pud ko sa Gugmang giatay sauna diin ang babay nga akong unang gimahal nagbudhi nako kay mikuyog sa Americano.

Human ato wala na gayud ako manguyab ug lain ug nakahukom nga dili na gayud motuo sa mga kababayn an. Hangtud nga naabot ko diri sa Saudi totok nalang sa trabaho alang sa mga ginikanan ug mga pag umangkon.

Buhong kaayo sila kanako kay sila naman lang akong kalipay ning kinabuhi.

Apan wala gyud diay permanente niining kalibotan kay sa natental gayud ako ug usa ka dalagang gulang pud sa online. Butoan kaayo siya ug anaa magtrabaho pud sa gawas (dili lang ibutyag).

Sama kanako gibyaan pud sa iyang unang gugma ug nakatilaw pud ug tagam. Tawagon lang nato siya ug Caridad, 43 anyos siya samtang ako 45. Dugay kaayo siya misugot kanako kay tagam lagi. Pero nadala gyud sa akong diskarte.

Magkasabot mi kay pulos lagi mga gurang ug nagplano nga magminyo next year. Ako lang problem abai Rolly kay virgin pa kono siya ug hadlok man inig kuan kono namo. Hibaw naka sa akong gipasabot.

Ikaduha kay gusto niya nga makaanak mi ug lima. kay ganahan kaayo siya daghan ug anak.

Mao ning akong prblema ron ug wala bay problema kung katakaton ang taas na ug edad unya virgin. Dayon ug puede pa ba kaha makaanak siy ug lima.

Wala lang pud nako balibari kabahin sa pagpangayo ug daghang anak kay tingali ug masagmuyo.

Matinahuron,

Fernando

Saudi Arabia