Gugmang Nailad

Nagpadala - Susan
Nahimotangan - China

Hi mga bisdakerz. KUmusta mong tanan ug malipayong Pasko ug Happy new year.

Tagoa lang ko sa name nga Susan, dalaga, taga Cebu, ug ania sa China nagtrabaho. Sa hayag.com ko nakadungog aning imong sibya Sir Rolly.

Kining akong suliran mahitungod sa akong uyab sa online nga taga Cebu. One year na kami ug suod na kaayo. Buotan kaayo ni si Gerald. Gani nagtungha siya sa UC isip working student, ug mograduate na next year.

Ako siyang gitabangan sa iyang galastohan kay para man pud sa among futre bisan dili kaayo dako akong kita diri sa China kay love lag nako siya.

Dili man gani unta mosugot si Gerald kay maikog siya nako. Apan ako gayud ang namugos nga makatabang sa iyang school expenses.

Tuod man ako siyan gi surprise ug bisita this Christmas kay gitugtan ko sa akong amo nga mobaksyon ug mamasko sa Cebu.

Apan pagkasakit sa akong pasko kay sa dihang misuroy ko sa ilang Gerald suma sa address nga iyang gihatag nako, wala may Gerald nga nagpuyo didto.

Didto ko gikulbaan, misulay pud ko ug inquire sa UC about sa maong name sa student apan walay record about ni Gerald sa ilang dept.

Akong gitextan si Gerald ug gipahibalo nga nana ko sa Cebu ug magkita mi sa Sm. Apan kasakit kay wala gyud siya motunga niadtong December 25. Kapait sa akong Pasko. Labihan nakong hilak sa nahitabo nako.

Apan wala pako mawad i sa paglaum kay gusto gyud kong maminaw gikan gayud ni Gerald kung nganong iyang ning gibuhat nako.

Ok ba Sir Rolly nga gukuron ko siya aron madungog gikan ganiya ang hinungdan ug ngano kay frankly speaking, love gyud nako siya. Basin duna lang gyud hinungdan nganong nabuhat ni niya kanako.

Mobalik na raba ko sa China first week sa January. Palihug tambagi ko unsay akong buhaton kay hangtud karon dili ko katoo sa nahitabo. Sakit pa kaayo akng dughan.

Susan
China