Kontra sa Ugangan

Felisa-Singapore

Malipayong Pasko kanimo abai Rolly ug sa imong pamilya and to all bisdkerz!

Tawaga lang ko sa name nga Felisa, minyo, adunay usa ka anak tua sa Pilipinas, akong bana nga si Pindoy maoy nagbantay.

Sa uyab pa kami si Pindoy didto sa Davao sauna. Gikontrhan ako sa iyang ginikanan kay kabus lagi among kaliwat samtang si Pindoy anak ug negosyante.

Gipusgos gyud si Pindoy pagpabuwag nako or else paundangon siya sa pagtuon ug palayason sa balay. Apan tungod sa dakong gugma ni Pindoy kanako nagtaban kami ug gisupak niya iyang ginikanan.

Nakabaton kami ug usa ka anak ug nagpuyo sa kalisud apan malipayon kay amo ng gusto. Wala siya mangayo ug tabang sa iyang ginikanan. Samtang ako gisupurtahan sa akong ginikanan sa decision nga mokuyog kang Pindoy.

Bisan unsa nalang trabaho iyang gisudlan para lang mabuhi mi. Sa pagkatawo sa among anak. Gipatawag kami sa ginikanan ni Pindoy kay gustong motan aw sa ilang unang apo.

Tuod man nangadto mi si Pindoy ug naghilak iyang ginikanan nga nakakita ni Pindoy ug sa ilang apo. Apan maklaro gyud nako nga hilaw ilang tinagdan kanako.

gikan niadtong higayona. Kanunay pabisitaon mi sa ginikanan ni Pindoy sa ilang balay ug gipaapil na nila sa negosyo aron adunay panginabuhian. Misugot lang pud ko sa maong offer kay anak baya gyud nila si Pindoy.

Sa akong bahin, naninguha ko nga maka gawas aron moasenso ug makuha nako pagbalik si Pindoy ug anak nga inanay ng nasuod sa side ni Pindoy samtang ako pabiling dili gihapon nila gusto.

Tuod man, bisan supak si Pindoy, sakit sa akong dughan nga biyaan akong anak nga seven years old na, miari ako sa singapore. Tigum ko ug maayo, giantos ang kamingaw,

last month nag estorya mi si Pindoy nga paiponon na kono siya sa iyang ginikanan aron kanunay nga duol kanila ang apo ilabi nga wala ko. Una, misupak ko, apan nakombenser ra gihapon ko ni Pindoy kay tungod walay makabantay sa bata sa panahon nga moadto siya sa ilang negosyo.

Karon ang bata kung akong ikasulti, lain kaayo iyang tono. klaro kaayo nga gi influence sa ginikanan, kay moingon nga dili kono ko niya mama, kay gibyaan kono siya sa iyang mama. Ug naa kno siya laing mama didto.

Labhihan nakong hilaka, ug sa ako ng gipangutana si Pindoy, minigar man nga gi influence sa iyang mama ilang anak ug aduna siyay laing gikabuangan.

Unsa may angay nakong buhaton Bai Rolly. Kulang pa kaayo akong natigum aron mouli ug bawion akong anak ug bana gikan sa ginikanan ni Pindoy.

Palihug tambagi ko.

Felisa, singapore