Gugmang gibyaan

Nagpadala: Rodrigo
Dapit : Manila Philippines

Maayong gabidlaw nimo diha bai Rolly. Usa ko sa mga suki niining imong radyo station. Diri rako sa among website mga surigaonon nakakita aning imong sibya bai ug mibisita dayo ako diri sa imong payag.

Labihan nakong lingawa ug lipaya niining imong site bai kay naa gayud ang tanang gipangita sa mga bisdak ilabi na ang naa sa gawas sa nasud. Gani ako nga dia sa Manila manglibawot man gyd ang balhibo kung makadungog na ug huning bisaya kay makahinumdum nagyud ako sa among dapit sa Surigao.

Tawaga lang diay ako sa ngalan nga Rodrigo, lumad nga taga Surigao, minyo, duha ang anak, ug ania na manimpalad sa Manila tungod sa trabaho.

Kining akong suliran kabahin sa akong asawa nga usa ka tagalog kay diri nani nako sa Manila nakaplagan. Tawagon lang nato siya ug Ara Mina kay paborito kaayo niya na nga artista. Hibaw kaman aning mga tagalog bai nga mahiligon kaayo sa mga artista. Dili mi kasado kay gusto niya nga puyo lang.

Kalooy sa Dios tungod sa kakugihan, nakasaka gayud akong puesto sa among gitrabahoan mao ng si Ara Mina wala nako patrabahoa ug maoy akong gipamanage sa balay ug sa duha ka bata. Kining akong mrs nga Tagalog, ingon tang punga daan na gayud nga may pag ka class, mahilig sa mga butang mahalon. Apan ok lang ko kay kaya paman sa kita ug gihigugma pud nako siya.

Ingon tang ok gayud among kahimtang diri sa Manila bisan nag abang lang kami ug balay.

Sa miaging unom na ka bulan kalit nga nasirado among kompanya kay naigo sa global crisis bai ug nawad an ko ug trabaho. Labihan sa among kahugno ug mibalhin kami ug gamay nga abangan nga balay. Ingon tang bisag unsa nalang akong gisudlan apan lisud na gayud ang trabaho. Mao ng misulod ko bisan unsa nalang. sama sa waiter sa restaurant,

Labihang yaw yaw ug sukoa sa akong mrs tungod sa among pagkahugno kay dili na ma maintain ang iyang lifestyle. Mauwaw na kono siya sa iyang mga barkada. Sige nalang mi ug away kay pokpokon ko niya ug maayo nga mangita gyud ug trabaho nga pareha kadako sa suweldo sa miagi.

Mao ni among padayong kahimtang hangtud nga akong nahibaw an nga si Ara Mina nauyab ug usa ka foreigner nga datu, ug tag iya ug usa ka negosyo diri sa Manila kay may nakatug an nako.

Sa dihang akong gisukna, miangkon siya kay dili niya kaya nga biyaan ang iyang kinabuhing haruhay. Labihan nakong guola ug lagota sa iyang gisulti apan wala koy mahimo kay ako man gud ni siyang gisaaran sauna sa akong pagpanguyab nga hatagan nako siya ug haruhay nga kinabuhi.

Apan sakit gay gusto pud niyang dad on akong mga anak kay unsa man konoy kaugmaon nila ngari nako nga pordoy naman ko kay ok man pud kono ang maong foreigner nga ipadala ang mga anak ug papoy on sa ilang balay.

Tungod kay wala koy nahimo, mibiya sa Ara kanako dala ang mga anak. Matud pang Ara nga mobalik lang siya kanako ug mga anak kung makahatag ko nila pagbalik ug haruhay nga kinabuhi.

Karon Abai Rolly labihan nakong paninguha aron mabalik ang asenso sa kinabuhi, Gani hapit nako matental sa offer sa akong mga kaila nga mosulod sa negosyo sa drugas aron makuha nako pagbalik akong asawa ug mga anak.

Palihug tagai ko sa inyong mga huna huna kung unsay buhaton. Dawaton ko ba kining offer nga negosyo sa drugas aron mahibalik kanako akong pamilya?

Magtatampo,

Rodrigo
Manila, Philippines