Bati ug Nawong

----------------------------------------------------------------------------------
ADMIN: email address ug tinuod nga pangalan gitago(Ipadala inyong Gugmang Giatay sa rwagas80@radyobisdak.com)
----------------------------------------------------------------------------------

Gud pm nimo diha Sir Rolly ug mga bisaya. Bag o lang ko diri nakasulod sa imong site Sir ug nalingaw kaayo ko kay mawa atong kamingaw sa atoa.

Tawaga lang diay ko sa pangalan nga Jenny, taga Cebu ug usa ka CNA diri sa usa ka hospital sa California. Dalaga pa ako.

Kining akong gisulat kanimo Sir Rolly kabahin sa akong amiga nga usa ka nurse kauban pud nako diri sa hospital. Tawagon lang nato siya ug Alona nga taga Davao. dalaga pud apan may edad na mga 37 anyos

Nagkaamiga mi aning Alona dri na sa California mga duha ka tuig na ang milabay. Suod mi ug magtinug anay sa problema ug secrets. Gani ipon rami sa usa ka apartment.

Kining akong amiga sir medyo may pagka bati gyud ug nawong. Pasayloa ko nga morag naghinaway apan mitug an lang ko sa tinuod aron masabtan ninyo ang iyang problema.

Wala gyud ni siyay klarong uyab sa didto pa kini siya Davao. Sigehan lang kono siya ug binuang sa mga lalake didto.

Karon nga na nurse na siya ug nakatrabaho diri sa America two years ago, mora ba ug siya mamalit ug lalaki kay wala lagi salig sa iyang dagway mao ng ang kuarta nalay iyang palihokon.

Miuli ni siya sa Pinas kay naa kono siyay nauyab sa online nga taga Cebu. Pag kita nila dali kaayo siyang nakahatag sa iyang pagkababay. Iya usab gigastohan ug maayo ang lalake nga bongga gyud. Gihuwaman dayon siya ug kuarta nga 50 thousand kay gamiton kono sa negosyo. Mihatag usab akong amiga nga si Alona. Pagbalik niya diri sa California gikan sa bakasyon, iyang nahibaw an nga nailad siya sa maong lalaki kay duna mi laing kaila nga nailad pud sa maong taga Cebu. 60 thousand pud iyang napahuwam.

Gawas ato sir Rolly, kini si Alona mitug an nako nga daghan kono siya ug ka cam sex. Usahay mobayad kono siya ug lagi sa usa ka site aron mag cam sex. Grabe lagi kaayo akong amiga oi. Karon lang bag o sir. Natabi napud diri sa hospital nga kabit siya sa usa employee diri nga minyo. Sigehan niya ug bangka. Ug sa dihang akong gisukna ug tnuod ba. Ingon siya o kono.

Looy akong amigang Alona Sir Rolly kay siya gyud manguna sa mga lalaki, mogasto. modatong, aron lang siya uyabon ug makatilaw intawon ug sex tungod kay walay salig sa iyang dagway kay pranka lang bati gyud siya ug nawong.

Pero akong giingnan nga ang dagway naa man sa atong kinaiya ug batasad dili sa nawong. Apan dili motoo sir kay kahibawo kono siya nga bati siya ug nawong mao ng modatong gyud siya aron makatilaw ug lalaki.

Unsa man kahay angay nakog itambag ni alona sir rolly aron maundang na intawon ning iyang mga bisyo.

Jenny-California