Nanimawos sa mga lalaki

Hi sa mga bisaya! Lingawa aning Radyo bisdak oi. Nindut ang mga bisaya music makapawa gyud sa kamingaw sa Cebu kay mingaw diri sa Singapore.

Alegre pud kaayo ang Gugmang giatay no? Makaadik. heheheehe. Bitaw akong hi diay sa guapo ug nindut kaayo motambag nga si Sir Rolly.

Kaila nama ko daan nimo sir didto pako sa Cebu. Kita ko nimo mikanta kauban ni Joey Ayala ug sa Kadangayan. Karon pareha nata sir nia na sa gawas sa nasud.

Tagoa diay ko sa name nga Linda, taga Bohol pero didto ko nagtungha ug college sa Cebu.

Sa didto pako sa Cebu Sir, duna koy nauyab nga love gyud kaayo nako. Tawagon lang nato siya ug Boy. Mga 4 years mi niya ug happy kaayo mi. Gani daghan na kaayo mi ug plans sa kinabuhi ug sa kaminyoon.

Apan one time nasakpan nako siya sir nga daghan diay mi sa iyang life. Nasakpan nako siya sa usa ka restaurant nangaon kuyog ug ang iyang girl. Then pag duol nako mi ask ang iyang kuyog nga kinsa kono ko.

Labihan nakong hilaka pag ingon sa girl nga uyab sila ni boy ug si boy pud miangkon nga duha mi iyang gituhog. pero pulos kono mi niya love.

Ako siyang gibyaan sir rolly bisan love nako siya kay wala nakoy salig niya. After pa gyud ato nahibaw-an pa nako nga naa pa siyay laing uyab. silbi tulo diay mi. Pulos siya gibyaan namong tulo.

Human ato midecide ko nga manimpalad ko diri sa gawas aron makalimot niya ug naabot ko sa singapore.

Ambot ug unsang hitaboa nga sa online naa man koy nauyab. 4 ni sila sir Rolly. wala koy gibalibaran. Usa sa Saudi, usa sa China, usa sa USA, ug usa sa Europe. Pulos ni sila nako gipasaligan nga maoy akong love. apan ako duwa duwa lang nila. Mora ba ug gusto kong mobawos sa mga lalaki.

Maila gyud nako ang mga kanahan nga cam cam sex ra gyud ang tuyo. Pero ako silang gipaantos kay igo ra kong mosugod then dili nako tiwason. malibat lagi ang mata sa uban. magkatawa ko inig kahuman kay ingnon nako nga naguba akong cam ug mic. heheheehe

Akong pangutanan sir Rolly, duna paba kahay lalaki nga tarong?. Morag nawad an nako ug paglaum human ni Boy kay diri sa online pulos mga iro ang mga kalalakina an. Monang ako nalang gyd ni silang kabuangan aron makabawos ko nila. palihug tambagi ko ninyo

Inday Linda - Singapore